قصيدة ,, ياطير خدني لحماه

ياطير خدني لحماه ...... ع الحاضر والحميدية
اتوضى على العاصي ...... واسجد بالصابونية
ياطير خدني لحماه ....... ع الضاحية الجنوبية
اتوضى على العاصي ..... واسجد بالبارودية
ياطير خدني للعاصي ..... البياض بدمي ماشي
... ... انتو والله ع راسي ...... يا...اهلي بالجاجية
ياطير لا اضلك ناطر ..... ما احلى هالقناطر
بدي انزل واخاطر ......... بوس تراب الضاهرية
ياقلبي لا تتلوى ...... يامحلى جورة حوى
القصور بقلبي جوى....... متل القطرة الندية
ياطير ودي سلامات ...... اهلي بالعليليات
الفراية الها بالذات .....جوى قلبي مخفية
ياطير خدني بجناحك ...... عين اللوزة لناحك
غرب المشتل ياروحي ..... كل مابنقص بحتاجك
ربي وادي الشريعة ....... ارضى مارح بنبيعا
والكتف جنة حماه ..... بايام ربيعا
ياطير واللهي ناوي .... اطلع على البرناوي
وشوف الشير ادامي ...... ومنظر هالبستنجية
ابن رشد والقلعة ..... والصبايا المجتمعة
ع التبولة المنتئعة ......والضحكات الخفية
الحاضر يلي صغير كتير ..... ياما عملتلو مشاوير
عنب وخس وفجل وتين ....... بس الريحة قوية
رايح ع جنوب الملعب ...... كنا ولاد وع بنلعب
بمشي ع رمشي والله .... اذا رجلي راح تتعب
باب النهر والقبلي ....... لعبت فيها بصغري
جراجمة مع المدينة ...... كنيسة وجامع لربي
حرش والقصر العدلي ...... وانت نازل ع الركبي
هدي كن فيك تهدي ....... هون النزلة قوية
اشرح!!!شوبدي اشرح ... عقلي راح وعم يسرح