اعتقدت لفترة طويلة أن الحكم والأمثال خلصت وأن الشعوب عندها مخزون كبير ولا يمكن الإضافة على هذا المخزون إلا بصعوبة. ولكن عندما بدأت الثورة السورية أفرز الشعب السوري البطل والعبقري حكم عديدة سوف تظل في ذاكرة الإنسانية لعقود مديدة. ومن أعظم هذه الحكم:
• يا الله ما لنا غيرك يا الله
• يا الله الشعب أعزل يا الله
• يا الله عجل نصرك يا الله
• أبو حافظ يلعن روحك
• يلعن روحك ياحافظ
• بدنا نشيلو لبشار بهمتنا القوية سورية بدا حرية
• يا بشار طز فيك وطز ياللي بحييك و يالله ارحل يا بشار
• يا بشار ويا جبان ويا عميل الامريكان الشعب السوري ما بينهان و ياللهارحل يا بشار
• يلي بقتل شعبو خاين
• الله سورية حرية وبس
• عاشت سورية ويسقط بشار الأسد سورية لينا وماهي لبيت الأسد
• ما منحبك ما منحبك ارحل عنا أنت وحزبك
• الموت ولا المزلة وعن ثورتنا ما نتخلى
• ابن الحرام باع الجولان
• واحد واحد الشعب السوري واحد
• حرية للأبد غصبن عنك يا أسد
• ما في للأبد ما في للأبد عاشت سورية ويسقط الأسد
• على الجنة رايحين شهداء بالملايين
• يا حيف والله يا حيف الشب الواقف على الرصيف
• يا للعار يا للعار على الشب القاعد بالدار
• علو الصوت علو الصوت علو علو الصوت يا بنعيش بكرامة يا إمابنموت
• هز كفك هزو هز دين محمد كلو عز
• مو خايفين الله معنا
• يلي ما بيشارك ما فيه ناموس
• يا درعا نحنا معاكي للموت
• يا محلاها الحرية سورية نادت فيها
• الشعب السوري ما بينزل
• لا إيران ولا حزب الله بدنا مسلم يخاف الله
• هي لله هي لله لا للسلطة ولا للجاه
• كاذب كاذب كاذب الاعلام السوري كاذب
• الله هي هي …بدنا نشيل البعثية
• ماتت قلوب الجيش .. ماتت به النخوة ليش يقتلنا ليش .. جيش وشعب أخوة
• سكابا يا دموع العين سكابا على شهداء سورية وشبابا
• ما رح نركع ما رح نركع جيبوا الدبابة والمدفع
• طار طار طار القذافي جاييك الدور يا زرافة
• إجاك الدور يا دكتور
وغيرها الكثير الكثير ولكن هذا ما أسعفتني به الذاكرة